သရဲအကြောင်း စိတ်ဝင်စားရင်.. ဖတ်ကြည့်ပေါ့။ ကိုယ်တွေ့တဲ့။

 
မင်္ဂလာဒုံမှာနေတဲ့ မိသားစုတစု ကြုံတွေ့ ရတဲ့ ပရလောကဖြစ်ရပ်မှန်ဇာတ်လမ်းလေးပါ၊ သူတို့မိသားစုနေတာက ဗဟိုနိုင်ငံရေးတိုက်လိုင်းမှာနေကြပါတယ်။ တစ်ရက် အန်တီကြီးနဲ့အန်ကယ်ကြီး အကြီးအကျယ်ရန်ဖြစ်ကြပြီး အိမ်ခွဲနေရာကနေစပါတယ်။ တရက် ညနေစောင်းတရက်မှာ အိမ်မှာ ခလေးတွေနဲ့ကျန်ခဲ့တဲ့ ယောက်ျားဖြစ်သူက သူငယ်ချင်းနဲ့အတူတူ အရက်သွားသောက်ကြပြီး ည 11 နာရီဝန်းကျင်မှာ မူးပြီးအိမ်ကိုပြန်လာကြတယ်၊ တံတားတခုအနားအရောက်မှာ မိသားစုတစုကိုတွေ့ ပါလေရော၊ စကားလာပြောတော့နားထောင်ပေးရတာပေါ့၊ သူတို့ကမိသားစုဖြစ်ကြောင်း အခုလောလောဆယ် နေစရာမရှိလို့ အကူအညီတောင်းအသနားခံကြတာဖြစ်ကြောင်း၊ နေစရာပေးဖို့ကူညီပေးပါလို့ပြောလိုက်တဲ့အခါ၊ အန်တီကြီးအိမ်ပေါ်ကဆင်းပြီးအိမ်ခွဲနေလို့ စိတ်လည်းညစ် ကူလည်းကူညီချင် မူလည်းမူးနေတဲ့ အန်ကယ်ကြီးက

" အေးလိုက်ခဲ့ ..အိမ်မှာ ငါတယောက်တည်းနေတာ နင်တို့မိသားစုနေချင်ရင်လိုက်ခဲ့ပေါ့ "

ဆိုပြီးခေါ်လာခဲ့ပါလေရော...သူနဲ့အတူအရက်သောက်ပြန်လာတဲ့သူတွေရဲ့အမြင်မှာတော့ တယောက်တည်းမူးပြီးစကားတွေရပ်ပြောနေတာကို အဲ့အချိန်မှာ သတိမထားမိကြပါဘူး..သူတို့ဘာသာသူတို့လည်း မူးနေကြတယ်၊
တကယ်ကတော့ သူတို့ခေါ်လာခဲ့တဲ့မိသားစုက ပရလောကသားတွေဆိုတာကို မူးနေတဲ့သူ့သူငယ်ချင်းတွေကလည်း မသိရှာကြပါဘူး။
ကျန်တဲ့သူငယ်ချင်းတွေက သူတို့အိမ်သူတို့ပြန်၊ အန်ကယ်ကြီးလည်း ကိုယ့်အိမ်ဘက်ကိုယ်လမ်းခွဲပြန်၊ အိမ်ရှေ့ရောက်လို့ အိမ်ထဲဝင်ပါမယ်ဆိုမှ သူခေါ်လာတဲ့ ဒုက္ခသည်မိသားစုက မ၀င်ပဲရပ်နေကြလို့

" ဟ ၀င်ကြလေဟ ဒါ ငါ့အိမ် နင်တို့နေလို့ရတယ် " ..၀င်လေဆိုပြီးခေါ်တော့ ၊

" သူတို့က အိမ်တွင်းစင်ရှိလို့ဝင်မရဘူး အဲ့ဒါကိုဖြုတ်ပေး " ..လို့ပြောပြန်တယ်။
အတော့်ကိုမူးနေတဲ့ အန်ကယ်ကြီးကလည်း တကယ်ကိုပဲ ဖြုတ်ပေးလိုက်ပါတယ် အိမ်တွင်းကို ဖြုတ်ပြီး အိမ်ပြင်ထုတ်ပစ်၊ အိမ်ထဲရောက်တော့

" နင်တို့က လင်မယားတွေဆိုတော့ ငါတို့လင်မယားအိပ်တဲ့အခန်းမှာနေ၊ နင်တို့ခလေးနှစ်ယောက်ကတော့ ငါ့သားတွေအိပ်တဲ့အခန်းမှာအိပ် "

ဆိုပြီးနေရာချ ကြိုက်သလိုချက်ပြုတ်စားသောက်နိုင်ကြောင်း ပြောလိုက်တယ်...
မနက်မိုးလင်းအမူးပြေတော့သူ့ဘာသာလည်း ဘာတွေလုပ်လို့ဘာတွေလုပ်ခဲ့တယ် မမှတ်မိဘူးနဲ့တူပါတယ်၊ ပုံမှန်ပဲ အပြင်သွား၊ အလုပ်သွား၊ ခလေးတွေလည်း သူတို့သွားစရာရှိတာတွေသွားနဲ့ သူ့အမျိုးသမီး အိမ်ဖော်ကဆင်းတာ နှစ်လခွဲလောက်ကြာသွားပြီး၊
နောက်ပိုင်းပြန်အဆင်ပြေလို့ပြန်တက်လာတော့ မမြင်တာကြာတာနဲ့ပတ်ဝန်းကျင်က သတင်းမေးရင်း

" သူတို့အိမ်မှာ အလုပ်သွားချိန်၊ ကျောင်းသွားချိန် လူတယောက်မှ မရှိပဲ၊ အိမ်တံခါးတွေလည်းသော့ခတ်ထားနေရင်းက အသံတွေ၊ စကားပြောသံ၊ ထမင်းဟင်းချက်သံ၊လူသံ၊ ခလေးသံတွေကြားနေရတယ် "

ဆိုတဲ့အကြောင်း အိမ်နီးနားချင်းတွေကပြန်ပြောကြတော့
သူ့မိန်းမလည်း ဘာမှန်းသေချာမသိလို့၊ အိမ်ကိုရှင်းလင်းရင်းနဲ့ အပြင်ထုတ်ထားတဲ့ အိမ်တွင်းစင်ကိုအသစ်မလုပ်ပဲ ဒီတိုင်းပဲပြန်တင်ထားလိုက်တယ်။
တရက်သားတော့ သူတို့ကိုးကွယ်တဲ့ဆရာအိမ်လာတဲ့အချိန်မှာ အဲ့ဆရာက မပြန်ခင်မှာသွားတယ် နောက်နေ့သူ့ဆီလာခဲ့ဖို့၊ အရေးကြီးတာပြောဖို့ရှိတဲ့အကြောင်း မှာခဲ့တယ်။ နောက်တနေ့ မိန်းမဖြစ်သူကသွားတော့

" နင်တို့အိမ်ငါလာတုန်းက ခြံပေါက်ဝမှာ လင်မယားနှစ်ယောက်နဲ့တွေ့ တယ်၊ သူတို့က ပရလောကသားတွေ၊ နင့်ယောက်ျားခေါ်လာလို့ သူတို့နေနေတာလို့ ငါမနောနဲ့မေးတာကိုပြောတယ် " တဲ့

ဒါနဲ့ပဲ လင်မယားနှစ်ယောက်ဆရာနဲ့တိုင်ပင်ပြီး ပရိတ်ရေတွေဖြန်း၊ တအိမ်လုံးကိုဖြန်း၊ လင်မယားအိပ်တဲ့အခန်း၊သားတွေအခန်းကိုဖြန်းတဲ့အချိန်မှာ သိသိသာသာကို ကြက်သီးတဖြန်းဖြန်းထတာ ခံစားရတယ်တဲ့၊ အိပ်ပြန်ရင်လည်း တဆစ်ဆစ်နဲ့ အသားတွေနာကျင်သလိုခံစားလာရတယ်တဲ့၊ ဒါနဲ့ ဆရာနဲ့ဆက်တိုင်ပင်ပြီးတော့ သူတို့ကို သူတို့လာတဲ့နေရာကိုပြန်ပို့ရမယ်၊ နေရာပြန်ချထားရမယ်ဆိုပြီး ဆရာ့အစီအမံနဲ့ပဲ တံတားရဲ့တဖက်မှာနေကြဆိုပြီး ပြန်ပို့လိုက်ကြတယ် ( တံတားရဲ့တခြားတဖက်မှာတော့ မာန်ပြေရန်ပြေဘုရားရှိပါတယ် )။ အဲ့လိုနေရာချပေးပြီးတဲ့အချိန်မှာလည်း ထိုပရလောကမိသားစုက

" ငါတို့ ဒီတပတ်အတွင်းမှာ လူတယောက်လဲဖို့ရှိတယ်" လို့ ပြောပြတယ်တဲ့။

ဆရာဖြစ်သူလည်း အန်ကယ်ကြီးရဲ့ ဆိုင်ကယ်ကို သူ့အိမ်ကို ဒီတပတ်အတွင်းလာပို့ထားပြီး အဲ့ဒိတံတားဘက်ကိုလည်း မိသားစုမသွားဖို့၊ အထူးသဖြင့် ကံနိမ့်နေတဲ့ အန်ကယ်ကြီးမသွားဖို့ကို အတန်တန်မှာကြားစီစဉ်ပေးခဲ့ရပါတယ်။ သုံးရက်မြောက်လောက်နေ့ အဲ့မှာ မှာ ကောင်လေးတယောက်နဲ့ကောင်မလေးတယောက်စီးလာတဲ့ကား တိမ်းမှောက်ပြီး ကောင်မလေးသေဆုံးသွားတဲ့သတင်းကိုကြားသိခဲ့ရပါတယ်။

( မင်္ဂလာဒုံ နိုင်ငံရေးမှတ်တိုင်အနီးမှာ ကားအက်ဆီးဒင့်ဖြစ်လို့ မိန်းခလေးတယောက်သေဆုံးသွားတဲ့ သတင်းတပုဒ်နဲ့ အသိမိသားစုကြုံတွေ့ ဖြစ်ပျက်ခဲ့တဲ့ ဇာတ်လမ်းတခုရဲ့ ဆက်စပ်မှုပါ )
"ဧည့်သည်"
October 10, 2013 at 7:13pm